Тоҷикӣ
Русский
English
Имрӯз дар толори маҷлисгоҳи Институти хокшиносӣ ва агрохимия шиносоии Президенти АИКТ муҳтарам Амонулло Салимзода бо кормандони Институт баргузор гардид. Дар аввал роҳбари муассиса Шариф Хоҷаев аз ҳузури Президенти АИКТ изҳори сипос намуд.
Сипас, зимни суханронӣ директори Институт гуфт, ки Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пайёми навбатии худ аз санаи 28-юми декабри соли 2023 ба Маҷлиси Олии кишвар таъкид доштанд, ки: “... тағйирёбии босуръати вазъи бозори ҷаҳонии озуқаворӣ ва болоравии мунтазами нархи маҳсулоти ғизоӣ моро водор менамояд, ки ба беҳсозии ҳолати соҳаи кишоварзӣ, афзоиш додани истеҳсоли маҳсулоти он, рушди маҷмааҳои агросаноатӣ ва бо ҳамин роҳ таъмин намудани амнияти озуқавории кишвар таваҷҷуҳи аввалиндараҷа зоҳир намоем.”
Ин суханони муҳтарам Эмомалӣ Раҳмон барои ҳар як фарди тоҷик дар ояндаи кишварамон ва барои олимони соҳаи кишоварзӣ дар амалӣ кардани онҳо, дар пеш вазифаҳои хеле муҳим меистад. Масъулин, олимону мутахассисон ва кормандони Институт Паёми навбатиро сармашқи кори худ қарор дода, тибқи дастуру супоришоти Президенти муҳтарами Тоҷикистон фаъолияти худро идома медиҳанд.
Зимни мулоқот Салимзода А.Ф. аз наздик бо фаъолияти масъулин, олимони собиқадор ва нақши онҳо дар тарбияти ҷавонони рӯ ба илм оварда шинос шуда, амалӣ шудани дастовардҳои илмии олимон дар истеҳсолотро муҳим арзёбӣ кард.
Ба олимону мутахассисон супориш дода шуд, ки бо хоҷагиҳои деҳқонии манотиқи мухталифи кишвар ҳамкориҳои худро тақвият бахшида, роҳҳои пешгирии шӯршавии замин, аз ҷумла дар бархе аз ноҳияҳои вилояти Хатлонро мавриди таҳлилу ташхис қарор бидиҳанд.
Олимони хокшинос ва агрохимия дар шароити тағйирёбии иқлим ва таъсири он ба замин ва бахши кишоварзӣ, корҳои илмӣ-таҳқиқотӣ анҷом дода, аз натиҷаи онҳо зимни суҳбат тавассути ВАО ба деҳқонон ва кишоварзони ҷумҳурӣ тавсияҳои асоснок илмӣ пешниҳод намоянд.
Озмоишгоҳи марказонидашудаи ташхиси хоку растании Институт дар асоси корҳои таҳқиқотии олимон, таблиғи натиҷаи корҳои ташхиси худро дар ҷумҳурӣ бештар намояд. Бахусус омилҳои таъсир ба муҳити зистро дар асоси ташхисҳои суратгирифта мушаххас кунанд.
Президенти АИКТ таъкид намуд, ки олимони ботаҷриба дар таҳқиқу омӯзиш ба докторантону магистрантҳо шароит фароҳам оварда, дар корҳои таҳқиқотӣ ҷавононро бештар ҷалб намоянд.
Аз ҷавонон даъват ба амал оварда шуд, ки дар корҳои таҳқиқотӣ ва чорабиниҳои илмиву фарҳангӣ иштироки фаъолона дошта бошанд.
Роҳбари АИКТ дар поёни мулоқот дастур дод, ки ҳар як шуъба ва олим дар охири сол аз ҳадаф ва натиҷаи корҳои мушаххаси илмӣ-таҳқиқотии худ дар истеҳсолот бадастовардааш гузориш пешниҳод намоянд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
