Тоҷикӣ
Русский
English
Санаи 29.12.2022 дар толори маҷлисгоҳи Институти хокшиносӣ ва агрохимияи АИКТ ҷаласаи васеи ҳисоботӣ оид ба натиҷаи фаъолияти Институти хокшиносӣ ва агрохимияи АИКТ дар соли 2022 ва вазифаҳо барои соли 2023 баргузор гардид.
Дар кори ҷаласа намояндаи АИКТ Ятимзода Хуршед ноиби президент оид ба масъалаҳои умумӣ, роҳбарони стансияву пойгоҳҳои Институт аъзёни Шӯрои олимон ва аҳли кормандон иштирок намуданд.
Тибқи рӯзномаи ҷаласа сараввал ҳисоботи директори Институти хокшиносӣ ва агрохимия н.и.к. Хоҷаев Шариф Идиевич оид ба натичаи фаъолияти Институти хокшиносӣ ва агрохимияи АИКТ дар соли 2022 шунида ва мавриди таҳлилу баррасӣ қарор дода шуд.
Дар музокираҳо, олимони варзидаи соҳа, собиқадорон ва иштирокчиёни ҷаласа, ҷиҳати рушди илми кишоварзӣ, татбиқи дастовардҳои илмӣ, ҷорӣ намудани технологияҳои инноватсионӣ, тайёр намудани кадрҳои илмӣ, робитаи мустаҳками илм бо истеҳсолот ва дигар масъалаҳои мубрами соҳаи кишоварзӣ дастуру тавсияҳои судманд пешниҳод намуданд.
Дар ҷамъбасти кори ҷаласа олимон ва мутахассисони соҳа барои ноил гардидан ба натиҷаҳои назарраси илмию истеҳсолӣ, бо ифтихорнома ва сипосномаи Институт сарфароз гардонида шуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
