Тоҷикӣ
Русский
English
Санаи 23-юми февраи соли ҷорӣ бахшида ба ифтихори 30-юмин солгарди таъсисёбии Қувваҳои Мусалаҳи Ҷумҳурии Тоҷикистон дар Институти хокшиносӣ ва агрохимияи Академияи илмҳои кишоварзии Тоҷикистон чорабинии тантанавӣ баргузор гардид. Дар кори ҷаласаи тантанавӣ котиби илмии АИКТ Холзода Умаршоҳ, иштирокчиёни ҷанги Афғонистон, собиқадорони ҷангу меҳнат, олимону кормандони муассиса фаъолона иштирок намуданд.
Сараввал директори муассиса Хоҷаев Ш.И. ҷаласаро ҳусни оғоз бахшида, меҳмонону кормандонро ба ифтихори 30-юмин солгарди таъсисёбии Қувваҳои Мусалаҳи Ҷумҳурии Тоҷикистон самимона табрик намуданд. Инчунин иброз доштанд, ки Артиши миллӣ барои Тоҷикистони соҳибистиқлол воқеан як бахши ниҳоят муҳими давлатдорӣ ва асоси пойдориву мавҷудияти миллати куҳанбунёди мо дар арсаи байналмилалӣ ба ҳисоб рафта, саҳмгузорӣ ба рушди он вазифаи мақаддаси ҳар як шаҳрванди ватандўсту ватанпарвари кишвари азизамон мебошад. Мавриди зикр аст, ки артиши миллии кишвар дар марҳалаи ба тақдири мамлакат ва Истиқлолияти он хатари марговар таҳдид намудан ба навбунёдии хеш нигоҳ накарда, тавонист барои барқарор кардани сулҳу оромӣ ва бехатарии марзҳои кишвар талошу хизмати сарнавиштсоз ва шоистаи таҳсинро татбиқ намояд. Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Пайём таъкид намуданд, ки “Воқеоту таҳавулоти ҷаҳони муосир ҳар яки моро ҳушдор медиҳад, то зиракии сиёсӣ, омодагии доимӣ, эҳсоси баланди ватандустӣ, худогоҳиву худшиносӣ ва муқаддас доштану ҳифз намудани арзишҳои Истиқлолияти давлатиро сармашқи кори хеш созем”.
Сипас намояндаи АИКТ Холзода Умаршоҳ, собиқадори ҷангу меҳнат Аминов Шариф, мудири шуъбаи баланд бардоштани ҳосилхезӣ ва баҳодиҳии хок Каримова Файзигул, раиси ҷавонони муассиса Додова Рисолат оид ба таъсисёбии Қувваҳои Мусалаҳи Ҷумҳурии Тоҷикистон, таҷҳизонидани артиши миллӣ бо техникаву лавозимотҳои ҷангӣ ва ҳифзу муҳофити шабонарўзии афсарону сарбозони тоҷик баромадҳои пурмуҳтаво намуданд.
Дар рафти чорабинӣ роҳбарият кулли собиқдорони ҷангу меҳнат ва олимону кормандонро ба ифтихори 30 - юмин солгарди таъсисёбии Қувваҳои Мусалаҳи Ҷумҳурии Тоҷикистон табрику муборакбод намуда, бо тўҳфаҳои хотиравӣ қадрдонӣ намуданд. Инчунин ғолибони мусобиқаи бозии шоҳмот ва шашкаро, ки санаи 21.02.2023 дар доираи чорабинии мазкур баргузор гардида буд, ғолибони мусобиқаро бо ифтихорномаи муассиса сарфароз гардонида шуд.
Дар интиҳои чорабинӣ роҳбарият ин рўзҳои фараҳбахшро бори дигар ба кулли афсарону сарбозони кишвар ва ба олимону кормандони гиромиқадр самимона табрик гуфта, тансиҳативу хонаободӣ, саодату пирўзӣ ва ба Тоҷикистони соҳибистиқлоламон суботу оромии ҷовидонаро таманно намуданд.
Котиб Уроқов Ё.П.,
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
