ПАЁМИ ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН «ДАР БОРАИ САМТҲОИ АСОСИИ СИЁСАТИ ДОХИЛӢ ВА ХОРИҶИИ ҶУМҲУРӢ»Рӯзи Конститутсияи Ҷумҳурии Тоҷикистон

15-умин солгарди Наврӯзи байналмилалӣ муборак!

Ношир: Майрамбӣ Зокиро... Санаи интишор: Душанбе, 25-уми марти соли 2024

     Имрӯз Академияи илмҳои кишоварзии Тоҷикистон муштарак бо Вазорати кишоварзӣ ва  Донишгоҳи аграрии Тоҷикистон ба номи Ш. Шоҳтемур, дар саҳни ДАТ Иди Наврӯзро бо шукӯҳу шаҳомати хоса ҷашн гирифтанд. Дар ин ҷашн олимон ва кормандони Институти хокшиносӣ ва агрохимияи АИКТ фаъолона ширкат намуда, иштирокчиёни базмгоҳро ба сайри таърихии хони ҳафтсину ҳафтшин ва рамзу нишонаҳои дар он гузошта шуда, ки аз даврони бостон то ин ҷониб ҳифз шудааст, даъват намуданд. Зимни тамошо вазири кишоварзӣ  Қурбон Ҳакимзода, Президенти Академияи илмҳои кишоварзӣ Амонулло Салимзода ва дигар меҳмонон, хони наврӯзии Институтро беҳтарин арзёбӣ намуданд.

Тоҷикӣ

боздиди Президенти Академияи илмҳои кишоварзии Тоҷикистон Салимзода А.Ф. аз пойгоҳи таҷрибавии Тангаи ш.Ваҳдат

Ношир: Абдуллоҷон Асад... Санаи интишор: Шанбе, 09-уми марти соли 2024

     Санаи 9 уми марти соли 2024 Президенти Академияи илмҳои кишоварзии Тоҷикистон узви вобастаи АИКТ Салимзода А.Ф. бо мақсади шиносои бо фаъолияти кории аз пойгоҳи таҷрибавии Тангаи ш.Ваҳдат дидан намуданд. Зимни боздид аз қитъаҳои таҷрибавӣ ва боғу дарахтони мевадиҳанда ва ороиши инчунин аз гармхонаи доимо амалкунандаи лимӯ шинос шуда, пешниҳодҳои худро  баҳри бозҳам беҳтарнамудани корҳои илмию истеҳсолӣ ба роҳбарону мутахасисон иброз намуданд.

Тоҷикӣ

Табрикоти директори Институти хокшиносӣ ва агрохимияи АИКТ

Ношир: Абдуллоҷон Асад... Санаи интишор: Чоршанбе, 06-уми марти соли 2024

РӮЗИ МОДАР МУБОРАК!

Боиси хурсандӣ аст, ки ҳамасола дар оғози фасли зебои баҳор, ҷашни фархундаи Рӯзи Модар таҷлил карда мешавад.
Модар ягона мавҷудест, ки инсон меофарад, ба ӯ ҳаёт мебахшад, ӯро дар оғӯши гарму пурмеҳри худ мепарварад, аввалин суханҳо ва гузоштани нахустин қадамҳоро ба ӯ меомӯзад ва бо ҳазор нияту орзуҳои нек ӯро ба воя мерасонад.
Имрӯзҳо бо саъю талошҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нақши бонувону духтарони тоҷик дар ҷомеа баланд гардида, онҳо дар ҳамаи соҳаҳои ҳаёти ҷомеа ва давлат софдилона кору фаъолият менамоянд ва бо заҳмати бунёдкоронаву ташаббусҳои созандаашон барои рушди давлатамон саъю талош мекунанд.
Бо ифтихор ва шарафмандӣ тамоми модарон ва бонувони азизро бо фарорасии иди зебои баҳор ва Рӯзи Модар самимона шодбош гуфта, бароятон умри дароз, зиндагии осуда, бахту иқболи наку ва дар корҳои  илмию амалиатон  комёбиҳо орзу менамоем.
Бигзор, қалбҳоятон пур аз меҳру сурур, чароғи хонадонатон ҳамеша равшан ва фарзандонатон солиму солеҳ, номбардори падару модар, миллат ва халқу Ватан бошанд!
Идатон муборак, модарону бонувони гиромиқадр!

Эй Модарону хоҳарон, бодо муборак идатон,
Зиннатфизо эй маҳвашон, бодо муборак идатон.
Баҳри шумо Фархунда бод, ин фасли зебои баҳор.
Гулғунчаҳои бӯстон, бодо муборак идатон.

Тоҷикӣ

«Фурўғи субҳи доноӣ китоб аст»

Ношир: Абдуллоҷон Асад... Санаи интишор: Чоршанбе, 06-уми марти соли 2024

     Санаи шашуми марти соли ҷорӣ дар маҷлисгоҳи Институти хокшиносӣ ва агрохимияи АИКТ  дар асоси амри Президенти Ҷумҳурии Тоҷикистон оид ба баргузории озмуни «Фурўғи субҳи доноӣ китоб аст» № АП -480,   аз 01 январи соли 2024  ва фармоиши раёсати АИКТ, №06 аз 08 январи соли 2024   бо иштироки намояндаи АИКТ Ҳасан Асоев сармутахассис оид ба татбиқи дастовардҳои илмӣ, директори Институт Хоҷаев Ш.И, котиби илмӣ Давлатова О.С, ходими калони илмии шуъбаи иттилоот, машварат ва татбиқи дастовардҳо Зокирова М.Қ, олимони ҷавон ва кормандони муассиса баргузор гардид.

Тоҷикӣ

Саҳифаҳо

Обуна ба Диҳиши саҳифаи асосӣ