Хабарҳо

          12.07.24. Имрӯзҳо дар Тоҷикистон кишти такрорӣ дар ҷараён аст. Аз ин фурсати муносиб ҳам деҳқонон ва олимони соҳаи кишоварзӣ истифода бурда, дар манотиқи мухталифи кишвар зироатҳои ба ин мавсим мутобиқро  кишт мекунанд.

     Аз ҷумла, олимони Институти хокшиносӣ ва агрохимия дар 0, 5 га замини  ноҳияи Кушониён марбут ба Стансияи таҷрибавии хокшиносию мелиоративии Вахш дар кишти такрорӣ ду намуд лубиёи сурх ва сафедро бо маҳлули 5% нурии микробиологии “Азотобактерин” мавриди истифода қарор доданд.

     11.07.2024. Дар  Институти хокшиносӣ ва агрохимияи АИКТ маҷлиси ҳисоботӣ-интихоботии солонаи ташкилоти ибтидоии “Хокшинос” доир ба  масъалаҳои зерин - ҳисоботи раиси ташкилоти ибтидоӣ, интихоб намудани раис, муовин ва котиби нави ташкилоти ибтидоии ҳизбӣ баргузор гардид.

     Ҷаласаро Шариф Хоҷаев ифтитоҳ намуда,  иштирокчиёнро бо рӯзномаи маҷлис шинос кард. Сипас, аз рӯи масъалаи якуми рӯзнома доир ба фаъолияти ташкилоти ибтидоии “Хокшинос”-и ҲХДТ дар ноҳияи Шоҳмансур Шариф Хоҷаев суханронӣ ва аз фаъолияти  солонаи ташкилот ҳисобот ( ё гузориш) дод.

     Дар қитъаи таҷрибавии хоҷагии давлатии ниҳолпарварии “Искич”-и ш. Ҳисор, олимони институт ҷиҳати таҳлилу омӯзиши корҳои илмӣ-таҳқиқотӣ дар мавзӯи «Такмили системаи идоракунии ғизогирии маъдании дарахтони мевадиҳандаи боғҳои интенсивӣ дар шароити доманакӯҳҳо»  дар давраи ҳосили мева як силсила корҳои илмиро анҷом доданд.

     Аз давраи нашъунамо ва пухтарасии дарахтони мевадиҳандаи боғҳои интенсивӣ корҳои таҷрибавии зерин дар ҳар давраи ҳисоботӣ гузаронида мешавад.

     03.07.2024. Имрӯз олимону мутахассисони Институти хокшиносӣ ва агрохимияи АИКТ дар “Боғи Дӯстӣ”-и Тоҷикистону Ӯзбекистон дар рафти корҳои ободонӣ фаъолона ширкат намуда, дар обмонии қитъаи вобасташуда саҳм гузоштанд.

     02.07.2024. Имрӯз олимону мутахассисони Институти хокшиносӣ ва агрохимияи АИКТ дар рафти корҳои ободонӣ дар “Боғи дӯстӣ”-и Тоҷикистону Ӯзбекистон фаъолона ширкат намуда, дар коркарди байни қаторҳо, корҳои агротехникӣ, ҳамчунин дар нарм кардани бехи ниҳолҳои зардолу ва тоза намудани алафҳои худрӯй, саҳм гузоштанд.

     30.06.2024. Имрӯз дар Муассисаи давлатии «Боғи Ирам»-и шаҳри Душанбе ҷашни бостонии Тиргон, Иди зардолу ва намоиши «Хушкмеваҳои Тоҷикистон» бо шукӯҳу ҷалол таҷлил гардид.

      Дар он ташкилоту муассисаҳои мухталифи кишвар даҳҳо номгӯи маҳсулоти корхонаҳои коркарди меваҷот,  навъҳои гуногуни меваи зардолу, маҳсулоти аз он омодашуда ба мисли шарбат, афшура, обмева ва хушкмеваҳо дар маърази намоиш гузошта шуданд.

      Тиргон ҳамчунин ҷашни кишоварзон маҳсуб мегардад ва ба ин муносибат  кишовразони Тоҷикистон навҳои мухталифи меваи тару тозаи зардолу, олу, олуча, гелос, шафтолу, себ, ангур ва хушкмеваҳо, навъҳои ғалладонагӣ, зироати полезӣ – тарбуз ва харбузаро ба намоиш ва фурӯш гузоштанд.

     Имрӯз дар мавзуи «Саҳми олимони Академияи илмҳои кишоварзии Тоҷикистон дар амалӣ намудани ҳадафи стратегии кишвар-таъмини амнияти озуқаворї», дар ҳошияи мулоқоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо аҳли илм ва маориф (30.05.2024) ҳамоиши илмӣ баргузор гардид.
     Дар кори ҳамоиш меҳмонони даъватшуда аз Дастгоҳи иҷроияи Президенти Ҷумҳурии Тоҷикистон, Вазорати кишоварзии Тоҷикистон, Академияи миллии илмҳои Тоҷикистон, Донишгоҳи аграрии Тоҷикистон ба номи Ш. Шоҳтемур, Вазорати рушди иқтисод ва савдои Ҷумҳурии Тоҷикистон, ВАО ва дигар ниҳодҳои дахлдор, ҳамзамон академикҳо, аъзоҳои вобастаи АИКТ, роҳбарони муассисаҳои илмӣ ва зерсорхторҳои онҳо ширкат доштанд.

     22.06.2024. Имрӯз дар Институти хокшиносӣ ва агрохимияи АИКТ шанбегӣ доир гардид, ки дар он олимону мутахассисон фаъолона ширкат намуда, алафҳои худрӯй ва  гирду атрофи бинои асосии Институтро тоза карданд.