Хабарҳо

     01.09.2024. Имрӯз дар саросари Ҷумҳурии Тоҷикистон соли нави хониш дар тамоми мактабҳои миёна ва олии кишвар оғоз гардид, ки  ҳамасола Президенти Ҷумҳурии Тоҷикистон ба яке аз муассисаҳои таълимӣ ташриф меоваранд ва бо намояндагони илму маориф мулоқот менамоянд.

     Имсол муҳтарам Эмомалӣ Раҳмон  Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон ва Рустами Эмомалӣ Раиси Маҷлиси миллии Маҷлиси олии Ҷумҳурии Тоҷикистон, Раиси шаҳри Душанбе дар ноҳияи Сино муассисаи таҳсилоти миёнаи умумии №19-ро мавриди истифода қарор дода, дар оғози соли нави таҳсили 2024-25 ширкат намуданд.

     31.08.2024.  Имрӯз ба муносибати 33-юмин солгарди истиқлоли давлатии Ҷумҳурии Тоҷикистон дар Институти хокшиносӣ ва агрохимияи АИКТ шанбегӣ баргузор гардид.

     Кормандони муассиса дастаҷамъона дар нарм кардани бехи дарахтон, тоза намудани  алафҳои  худрӯй ва  шинондани гулҳо ва дар сабзу хуррамгардонии гирду атрофи он фаъолона ширкат намуданд.

     Ҳамзамон дар пойгоҳи Сомғори ноҳияи Б.Ғафурови Институти боғдориву токпарварӣ ва сабзавоткорӣ, кормандони Стансияи таҷрибавии хокшиносию мелиоративии Суғд  дар ҳашари дастаҷамъона иштирок карданд.

     25 август Боғи фарҳангию фароғатии ба номи Абулқосим Фирдавсии шаҳри Душанбе  симои идона ба бар карда буд.

     Дар Институти хокшиносӣ ва агрохимияи Академияи илмҳои кишоварзии Тоҷикистон густариши робитаи ҳамкории Муассисаи давлатии “Рушди соҳибкорӣ дар соҳаи кишоварзӣ” мавриди баррасӣ қарор гирифт.

     Дар мулоқот бо намояндаи Бонки ҷаҳонӣ Зебиниссо Бобохониён директори институт   рафти иҷрои  лоиҳаро матраҳ намуда иброз дошт, ки то имрӯз дар доираи лоиҳа ҷиҳати  баланд бардоштани ҳосилнокии зироатҳои кишоварзӣ хоҷагидорон бо тухмии гандуми “Темерязевка”, “Алексеевич” ва нуриҳои маъданӣ таъмин гардидаанд. Инчунин дастгириҳои дигари лоиҳа таъмири намо ва боми бинои институт буда, кумаки техникӣ (мошин) низ расонда шудааст.

     19.08.2024. Амонулло Салимзода президенти Академияи илмҳои кишоварзии Тоҷикистон  бо Франк Куклинский роҳбари Ташкилоти ҳамкории Олмон дар Тоҷикистон (GIZ) аз тақвияти ҳамкориҳои дуҷониба дар доираи лоиҳаи “Парвариши пахтаи органикӣ дар соли 2025”  ва  дигар мавзуъҳо дидору гуфтугӯ карданд.

     Нахуст Амонулло Салимзода аз фаъолияти илмии институтҳо, марказҳо ва сохторҳои зертобеи АИКТ иттилоъ дода, бахусус аз ихтирои навъҳои зироатҳо, гандум, ҷуворӣ ва  пахтаи олимони тоҷикро таъкид кард.

     Тибқи қарори Раёсати АИКТ «Дар бораи баргузории конференсияю семинарҳои илмию амалӣ дар муассисаҳои илмии АИКТ дар соли 2024» 24 июли соли ҷорӣ дар ноҳияи Файзобод семинари илмию амалии минтақавӣ дар мавзуи «Технологияи пешгирӣ намудани таназзулёбии хокҳои ҷигарранги карбонатӣ дар шароити Тоҷикистони Марказӣ» баргузор гардид. Дар кори семинар Амонулло Салимзода президенти Академияҳои илмҳои кишоварзии Тоҷикистон, намояндагони Вазорати кишоварзии Ҷумҳурии Тоҷикистон, мақомоти иҷроияи хокимияти давлатии ноҳияи Файзобод, Рудакӣ, Ваҳдат ва инчунин хоҷагидорону деҳқонон (фермерон), шахсони инфиродӣ, олимони муассисаҳои илмии Академияҳои илмҳои кишоварзии Тоҷикистон, мутахассисони соҳаи кишоварзӣ ва беҳдошти замин ширкат доштанд.

     16.07.24. Имрӯзҳо мардуми кишоварзи Тоҷикистон машғули кишти такрорӣ  ҳастанд. Бинобар иттилои Маҳмад Шарипов директори Стансияи таҷрибавии хокшиносию мелиоративии Вахш,  бо истифода аз чунин фурсат олимону мутахассисони Институти хокшиносӣ ва агрохимияи АИКТ ва ин Стансия, баъд аз кишти такрории лубиёи сурх ва сафед бо коркади маҳлули 5% -и нурии микробиологии “Азотобактерин” дар 0, 5 га замини  ноҳияи Кушониён, ба обмонии замини киштшуда  шурӯъ карданд.

     15.07.24.  Олимон ва мутахассисони шуъбаи биологияи хок ва тарҳрезии нуриҳои микробиологии Институти хокшиносӣ ва агрохимия зимни баргузории Рӯзи саҳроӣ дар мавзӯи “Истифодаи нурии микробиологии “Азотобактерин” дар кишти такрорӣ” ба истифодабарандагони замин, фермерон ва хоҷагиҳои деҳқонии Стансияи таҷрибавии хокшиносию мелиоративии Вахши ноҳияи Кӯшониён тавсияҳои судманд доданд.

     Дар нахуст олимони ин соҳа таваҷҷуҳи иштирокчиёнро дар бораи “Азотобактерин” ва таъсири мусбати он ба зироатҳои кишоварзӣ ҷалб намуда изҳор доштанд, ки дар мавриди истифода аз ин нурӣ ҳосилнокии зироатҳо нисбат ба заминҳои қаблӣ аз 8 то 12 с/га бештар мегардад.