Тоҷикӣ
Русский
English
Имрӯз 24-ноябри соли2023 дар толори маҷлисгоҳи Институти хокшиносӣ ва агрохимияи АИКТ ба муносибати Рӯзи Парчами давлатии Тоҷикистон, ҳамоиши идона бо ҳузури намояндагони тамоми муассисаҳои зертобеи Академияи илмҳои кишоварзии Тоҷикистонбаргузор гардид.
Дар маросими ифтитоҳии ҷаласа баъд аз садо додани суруди миллӣ Амиршоев Файзулло ноиби президенти АИКТ суханрони намуда, тамоми ҳозиринро ба ин муносибат табрик намуда аз ҷумла гуфт, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз Паёмҳои хеш дар робита ба Рӯзи парчами давлатӣ изҳор доштаанд, ки: “... Парчами миллӣ, ки ифодагари иттиҳоду сарҷамъӣ, нангу номус, ватандӯстиву ватанпарастӣ ва ҳувияти миллии мардуми фарҳангсолори мо мебошад, ормону орзу ва мақсаду мароми тоҷиконро дар ҷилои рангҳои худ иникос кардааст. Воқеан, дар ҷаҳони муосир соҳиби парчами миллӣ будан яке аз рамзҳои асоситарини истиқлолу озодӣва давлатдории мустақил мебошад.
Ҳамчунин Шоҳрух Одиназода, муовини сардори шуъбаи ҳуқуқи байналмилалии Маркази миллии қонунгузории назди Президенти Ҷумҳурии Тоҷикистон дар мавзӯи “Заминаҳоитаърихи ҳуқуқии Парчами давлатӣ”, суханронии пурмуҳтаво намуд.
Ҳамасола рӯзи 24-уми ноябр тибқи Қонуни Ҷумҳурии Тоҷикистон “Дар бораи рӯзҳои ид” рӯзи Парчами давлатӣ дар кишвари мо бо як шукӯҳу шаҳомат ҷашн гирифта мешавад. Дар ин рӯз дар саросари Тоҷикистон бо ширкати мардуми касбу кораш мухталиф роҳпаймоиҳо, ҳамоишҳо, маҳфилҳо, конференсияҳо ва мулоқотҳо дар мактабҳои миёнаву олӣ, корхонаҳо ва муассисаҳо баргузор мегарданд. Дар марказҳои фароғатӣ бошад, барномаҳои ҷолиби ватандӯстӣ ва фарҳангиву мусиқӣ доир гардида, эҳтиром ба парчами миллӣ гузошта мешавад.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
